អាជ្ញាធរ ខណ្ឌចំការមន ផ្សព្វផ្សាយផែនការ ការពារសន្ដិសុខ សណ្ដាប់ធ្នាប់ សម្រាប់ កិច្ចប្រជុំ កំពូល អាស៊ាន

ដើម្បីលើកកម្ពស់ ថែរក្សាបាន នូវកិត្ដិយសជាតិ សេចក្ដីថ្លៃថ្នូ របស់ប្រជាពលរដ្ឋ នាអំឡុង ពេលកិច្ចប្រជុំកំពូលអាស៊ាន លើកទី២០ ដែលកម្ពុជាធ្វើជាម្ចាស់ផ្ទះ នាដើមខែមេសា ឆ្នាំ២០១២ គណៈ បញ្ជាការឯកភាព ខណ្ឌចំការមន បានបើកកិច្ចប្រជុំ ផ្សព្វផ្សាយផែនការ ការពារសន្ដិសុខ សណ្ដាប់ធ្នាប់ ដល់មន្ដ្រី នគរបាល កងរាជអាវុធហត្ថ មេភូមិ ចៅ សង្កាត់ នាយនគរបាលប៉ុស្ដិ៍រដ្ឋបាល តាមមហា វិថី ព្រះនរោត្ដម មហាវិថី ម៉ៅសេទុង ទីប្រជុំជនផ្សារនានា ដូចជា ផ្សារទួលទំពូង ជាដើម ។
កិច្ចប្រជុំផ្សព្វផ្សាយ ផែនការនេះ ប្រព្រឹត្ដទៅ ក្រោមវត្ដមាន លោក ឡូ យុយ អភិបាល ខណ្ឌចំការមន និងដោយមានការ ចូលរួមពីលោក អ៊ុច សុខុន អធិការនគរបាល ខណ្ឌចំការមន, លោក ឃួន សំអុល មេបញ្ជាការ កងរាជអាវុធហត្ថ ខណ្ឌមានចំការ ព្រមទាំងអភិបាលរង មេបញ្ជាការរង អធិការរង ចៅ សង្កាត់ និងមេភូមិ ប្រមាណ ១៥០ នាក់ នៅសាលាខណ្ឌចំការមន ។
លោក អ៊ុច សុខុន អធិការនគរបាល ខណ្ឌចំការមន បានលើកឡើង នៅក្នុងកិច្ចប្រជុំ និងស្នើដល់ នាយ នគរបាលប៉ុស្ដិ៍រដ្ឋបាល សហការជាមួយមេភូមិ ចៅសង្កាត់ ដើម្បីក្ដាប់សភាពការណ៍ នៅតាមមូលដ្ឋាន ផ្ទាល់ ដើម្បីឈានដល់ការទប់ស្កាត់ បង្ក្រាបបទល្មើស ឱ្យទាន់ពេលវេលា និងឱ្យ មានប្រសិទ្ធភាព នាពេលខាងមុខ ដែលកម្ពុជា ទទួលរៀបចំ កិច្ចប្រជុំកំពូលអាស៊ាន ។
លោក ឡូ យុយ អភិបាល ខណ្ឌចំការមន បានណែនាំ ដល់ចៅសង្កាត់ មេប៉ុស្ដិ៍ មេភូមិ ឱ្យរួមសាមគ្គីគ្នា សហការ ជាមួយប្រជាពលរដ្ឋ រៀបចំដាក់ទង់ជាតិ លំអនៅមុខផ្ទះ, ជៀសវាងការចោលសំរាម និងការ ដាក់ហាលសម្លៀកបំពាក់នៅមុខផ្ទះ, ជៀសវាង ការដាក់តាំងលក់ទំនិញមុខផ្ទះ ដោយគ្មាន សណ្ដាប់ ធ្នាប់ និងរំលោភលើចិញ្ចើមផ្លូវសាធារណៈ, ហាមឃាត់ការយកទ្រូងផ្លូវ ធ្វើចំណតយាន យន្ដរបស់ខ្លួន និងចៀសវាងការជួសជុល ឬត សំយ៉ាបនៅមុខផ្ទះ ដែលបង្កឱ្យប៉ះពាល់ដល់ សបណ្ដាប់ធ្នាប់ របៀប រៀបរយ និងសោភណ្ឌភាព របស់រាជធានីភ្នំពេញ ក៏ដូចជាមុខ មាត់ព្រះរាជាណាចក្រកម្ពុជាទាំងមូល៕

Read more »

វៀតណាម គិតពន្ធលើ Google និង Facebook

វៀតណាមៈ យាងតាមគេហទំព័រ វៀតណាម “បាវម័រ” ចុះផ្សាយនៅ ថ្ងៃទី១៦ ខែមីនា ឆ្នាំ២០១២ថា វៀតណាម ចាប់ផ្ដើមគិតពន្ធ លើក្រុមហ៊ុន ហ្គោហ្គ៊ល “Google ”និងហ្វេសប៊ុក “Facebook” ។

រដ្ឋាភិបាលវៀតណាម បានផ្ដើមគិតពន្ធលើ ក្រុមហ៊ុនបណ្ដាញបម្រើ សេវាកម្មលើអ៊ីនធឺណេត ក្នុងនោះមាន ហ្វេសប៊ុក និងហ្គោហ្គ៊ល ឱ្យបានត្រឹមត្រូវ ដែលកំពុងប្រតិបត្ដិការ នៅក្នុងប្រទេសវៀតណាម ។

ក្រសួងហិរញ្ញវត្ថុ វៀតណាម បានចេញគោលការណ៍ថ្មី មួយដោយតម្រូវឱ្យ ក្រុមហ៊ុនទាំងពីរនេះ បង់ពន្ធស្របច្បាប់ ដែលមានចែងក្នុង ច្បាប់គិតពន្ធ លើប្រាក់ ចំណូលសារជីវកម្ម ។

កន្លងមកបណ្ដាញបម្រើសេវាកម្ម លើប្រព័ន្ធអ៊ីនធឺណេត ទាំងពីរនេះមិនបាន បង់ពន្ធត្រឹមត្រូវ ។ ដូច្នេះរដ្ឋាភិបាលវៀត ណាមបានគិតទៅលើការ បង់ពន្ធដែល ក្រុមហ៊ុន ទាំងពីរទទួលបាន ប្រាក់ចំណូលតាមរយៈ ពាណិជ្ជកម្ម និងកំពុង ប្រតិបត្ដិការក្នុង ប្រទេសវៀតណាម ។

អ្នកវិភាគមួយចំនួន យល់ឃើញថា វាជាការងារមួយ ដែលពិបាកដើម្បីឱ្យក្រុមហ៊ុន ទាំងនេះចូលរួមបង់ ពន្ធដល់រដ្ឋា ភិបាលវៀតណាម ហើយនិងការបង់ ថ្លៃសេវាកម្ម តាមរយៈពាណិជ្ជកម្ម ចូលក្នុងក្រុមហ៊ុន ទាំងនេះ ។ ព្រោះថា ខណៈ នេះក្រុមហ៊ុនទាំងនេះ កំពុងបន្ដស្វែងរកតួលេខ និងការគាំទ្រច្រើនជាមុនសិន ៕

Read more »

ចោរគាស់ផ្ទះ យកទ្រព្យសម្បត្ដិ ប្រជា ពលរដ្ឋដ៏សកម្ម ត្រូវនគរបាល ឃាត់ខ្លួនបាន

ភ្នំពេញ ៖ ជនសង្ស័យម្នាក់ សកម្មគាស់ ផ្ទះប្រជាពលរដ្ឋយកទ្រព្យសម្បត្ដិ ត្រូវនគរ បាលប៉ុស្ដិ៍កាកាប ឃាត់ខ្លួនបានជាក់ស្ដែង បន្ទាប់ពីកម្លាំងនគរបាល ចុះឃ្លាំចាំមើល ហើយឃើញកំពុងតែប្រមូលរបស់របរយក ទៅលក់ ។ ហេតុការណ៍ឃាត់ខ្លួនកើតឡើង កាលពីវេលាម៉ោង ៤ និង ៣០នាទី រសៀល ថ្ងៃទី ១៣ ខែមីនា ឆ្នាំ ២០១២ ស្ថិតនៅក្នុង ភូមិចំការឪឡឹក សង្កាត់កាកាប ខណ្ឌពោធិ៍ សែនជ័យ រាជធានីភ្នំពេញ ។
ប្រភពព័ត៌មាន ពីនគរបាលបានឱ្យដឹងថា ជនសង្ស័យមានឈ្មោះ ហ៊ុល វឌ្ឍនា ហៅ ឡែន ភេទប្រុស អាយុ២៤ ឆ្នាំ មានមុខ របរមិនពិតប្រាកដ ស្នាក់នៅក្នុងភូមិ-សង្កាត់ កើតហេតុ ត្រូវនគរបាលឃាត់ខ្លួនបាន បន្ទាប់ ពីគេធ្វើសកម្មភាពលួចគាស់ផ្ទះយកសម្ភារៈហើយជញ្ជូនយកទៅលក់។ ចំណែកឯជនរង គ្រោះទី១-ឈ្មោះ លេង ឃី ភេទប្រុស អាយុ ៦៨ឆ្នាំ មានមុខរបរជាអ្នកលក់ដូរ រស់នៅ ក្នុងភូមិ-សង្កាត់កើតហេតុ បាត់បង់សម្ភារៈ កាបូបស្ពាយ៤ ទី២-ឈ្មោះ កែវ ម៉ាយ ភេទ ស្រី អាយុ ៣៣ឆ្នាំ ជាមេផ្ទះ រស់នៅក្នុង ភូមិ-សង្កាត់កើតហេតុ ជាមួយគ្នា បាត់បង់ កង្ហារ ៣ អាំភ្លី១ និងសម្ភារៈក្នុងផ្ទះជាច្រើន។
ប្រភពព័ត៌មានពីនគរបាលបានឱ្យដឹងថា កាលពីថ្ងៃទី១០ ខែមីនា ឆ្នាំ២០១២ ជន សង្ស័យបានគាស់ដំបូលផ្ទះជនរងគ្រោះចូលទៅសម្ងំក្នុងផ្ទះរបស់ជនរងគ្រោះស្របពេលដែលជនរងគ្រោះជូនប្រពន្ធទៅមន្ទីរពេទ្យ ដោយទុកឱ្យកូនស្រីម្នាក់នៅមើលផ្ទះ លុះ ពេលឱកាសល្អជនសង្ស័យក៏ប្រមូលបានកាបូបស្ពាយ ៤ រួចហើយគាស់សោទ្វារក្រោយ ចេញទៅបាត់ លុះជនរងគ្រោះត្រឡប់មកពី មន្ទីពេទ្យវិញ ឃើញទ្វារទូចំហរ សង្ស័យ ដើរទៅពិនិត្យមើល ទើបដឹងបាត់កាបូប ស្ពាយ ៤ រហូតដល់ថ្ងៃទី១២ ខែមីនា ទើប មកដាក់ពាក្យបណ្ដឹង ។
នៅថ្ងៃទី ១៣ ខែ មីនា នគរបាលក៏បានចុះទៅឃ្លាំមើលទើប ប្រទះឃើញជនសង្ស័យម្នាក់កំពុងប្រមូល ឥវ៉ាន់យកទៅលក់។ តែជនសង្ស័យគ្រាន់តែ ឃើញនគរបាលភ្លាម មិនដឹងហេតុអ្វី ស្រាប់ តែរត់គេចខ្លួន ពេលនោះនគរបាលក៏ដេញ តាមរហូតឃាត់ខ្លួនបាន លុះពេលឃាត់បាន ធ្វើការសាកសួរទើបដឹងថា ជនសង្ស័យ គឺ ជាមុខសញ្ញាចាស់គាស់ផ្ទះរបស់ជនរងគ្រោះទី១ ។ មិនតែប៉ុណ្ណោះ នៅព្រឹកថ្ងៃទី ១៣ ខែមីនា គេបានធ្វើសកម្មភាពគាស់ផ្ទះប្រជា ពលរដ្ឋម្នាក់គឺឈ្មោះ កែវ ម៉ាយ ដោយមាន ទាំងវត្ថុតាង ជាក់ស្ដែង ក៏ឃាត់ខ្លួន និងដក ហូតវត្ថុតាងមកកាន់ប៉ុស្ដិ៍តែម្ដង ។
បច្ចុប្បន្នជនសង្ស័យត្រូវឃុំខ្លួនជាបណ្ដោះ អាសន្ននៅអធិការដ្ឋាននគរបាលខណ្ឌពោធិ៍សែនជ័យ ដើម្បីកសាងសំណុំរឿង បញ្ជូនទៅ កាន់តុលាការចាត់ការទៅតាមផ្លូវច្បាប់ ៕

Read more »

ម្នាក់ស្លាប់ ដោយសារធ្លាក់ ពីលើចុង ត្នោត និងម្នាក់ទៀត ស្លាប់ដោយសារ ឃ្មុំ ទិច ធ្លាក់ពីលើចុងឈើ

 បុរស ២នាក់ បានស្លាប់ និង២នាក់ទៀត រងរបួស  នៅល្ងាចថ្ងៃទី១៣ ខែមីនា និងនៅព្រឹកថ្ងៃ ទី១៤ ខែមីនា ឆ្នាំ២០១២ ស្ថិតនៅក្នុងស្រុក ក្រគរ ខេត្ដពោធិ៍សាត់ ដែលករណីទី១ បណ្ដាលមកពីធ្លាក់ពីលើចុងត្នោត និងករណី ទី២ បណ្ដាលមកពីធ្លាក់ពីលើចុងឈើបន្ទាប់ ពីឡើងយកឃ្មុំ ហើយត្រូវសត្វឃ្មុំទិច ។
យោងតាមមន្ដ្រីនគរបាលមូលដ្ឋានបាន ឱ្យដឹងថា កាលពីវេលាម៉ោង ៨ព្រឹក ថ្ងៃទី ១៤ ខែមីនា ឆ្នាំ២០១២ លោក នុត ស៊ីឌិន  អាយុ ៧០ឆ្នាំ ជាមន្ដ្រីនគរបាលចូលនិវត្ដន៍ ដែលបច្ចុប្បន្ន មានមុខរបរជាអ្នកឡើងត្នោត ដើម្បីបិទស្ករលក់ បានស្លាប់បន្ទាប់ពីធ្លាក់ពី លើចុងត្នោត នៅក្រោយផ្ទះរបស់ខ្លួន ស្ថិត នៅភូមិត្រពាំងឃ្នី ឃុំបឹងកន្ដួត ស្រុកក្រគរ។
យោងតាមមន្ដ្រីនគរបាលមូលដ្ឋានបាន បន្ដថា ខណៈដែលជនរងគ្រោះបានឡើង ត្នោតនៅខាងក្រោយផ្ទះ ដូចសព្វមួយដង  ស្រាប់តែធ្លាក់ពីលើចុងត្នោត បណ្ដាលឱ្យ ស្លាប់ភ្លាមៗ ។ ក្រោយការពិនិត្យកោសល្យ វិច័យ សពជនរងគ្រោះត្រូវបានសមត្ថកិច្ច ប្រគល់ជូនក្រុមគ្រួសារ យកទៅធ្វើបុណ្យ តាមប្រពៃណី ។
ដោយឡែកករណីទី២ បានកើតឡើង កាលពីវេលាម៉ោង ៦ល្ងាច ថ្ងៃទី១៣ ខែមីនា ឆ្នាំ២០១២ ស្ថិតនៅភូមិអន្សាចំបក់ ឃុំ ស្វាយស ស្រុកក្រគរ បណ្ដាលឱ្យលោក កៅ កាន់ អាយុ ២៦ឆ្នាំ ធ្លាក់ពីលើដើមឈើបាក់ កស្លាប់ បន្ទាប់ពីជនរងគ្រោះរូបនេះបានឡើង ទៅយកឃ្មុំ ហើយត្រូវសត្វឃ្មុំទិច ខណៈដែល មិត្ដភ័ក្ដិរបស់ខ្លួន ២នាក់ផ្សេងទៀត រងរបួស ស្រាល ។
យោងតាមមន្ដ្រីនគរបាលមូលដ្ឋានដែល បានដកស្រង់សំដីជនរងគ្រោះបានឱ្យដឹងថា មុនពេលកើតហេតុ ពួកគេទាំង ៣នាក់ បាន ទៅយកឃ្មុំនៅនឹងដើមឈើផ្ចឹក កម្ពស់ ប្រហែល ២ម៉ែត្រ ពេលនោះជនរងគ្រោះ កៅ កាន់ បានឡើងទៅយកមុនគេ ប៉ុន្ដែត្រូវ សត្វឃ្មុំទិច ហើយក៏ធ្លាក់ពីលើចុងឈើបាក់ក ស្លាប់តែម្ដងទៅ។ ក្រោយការពិនិត្យកោសល្យ វិច័យ សពជនរងគ្រោះត្រូវបានសមត្ថកិច្ច ប្រគល់ជូនក្រុមគ្រួសារយកទៅធ្វើបុណ្យ តាមប្រពៃណី ៕

Read more »

វិធីធ្វើបង្អែមបាញ់ចាយនឿក

គ្រឿងផ្សំ- ម្សៅដំណើប១កញ្ចប់ ១Kg សណ្តែកបាយ ០.៥Kg  ល្ង១កញ្ចប់ ស្ករសរ ០.៥Kg
ស្ករត្នោត ០.៥Kg ដើមខ្ទឹម ម្រេច ខ្ទេះដូង ខ្ញី១ដុំ
របៀបធ្វើ- កាច់កម្សៅឲ្យស្អិតចូលគ្នា  សណ្តែកបាយស្ងោរឲ្យឆ្អឹន រួចយកមកឆាជាមួយនិងខ្ទឹម ម្រេច
ស្ករបន្តិច អំបិលបន្តិច ស្ករសរនិងស្ករត្នោតរម្ងាស់ជាមួយទឹកខ្ទេះ ខ្ញីហាន់ជាបន្ទះស្តើងៗ ដាំទឹកឲ្យពុស យកម្សៅមកខ្ចប់ជាមួយសណ្តែកបាយដែលឆារួច ខ្ចប់យ៉ាងណាឲ្យជិតចេញស្នូល រួចដាក់ចូលក្នុងទឹក
ក្តៅ ពេលឆ្អឹនស្រង់យកមកក្នុងទឹកស្ករដែលរម្ងាស់ហើយលាយជាមួយខ្ញីជាការស្រេច។

Read more »

វិធីធ្វើបង្អែម

នំផ្លែអាយ

គ្រឿងផ្សំ- ម្សៅដំណើប ១កញ្ចប់០.៥g ស្ករផែន ២ដុំ ដូ្ងងខ្ចី១ផ្លែ របៀបធ្វើ- កាច់កម្សៅឲ្យស្អិតចូលគ្នា

អត្ថបទពេញ

 

វិធីធ្វើបង្អែមបាញ់ចាយនឿក

គ្រឿងផ្សំ- ម្សៅដំណើប១កញ្ចប់ ១Kg សណ្តែកបាយ ០.៥Kg  ល្ង១កញ្ចប់ ស្ករសរ ០.៥Kg ស្ករត្នោត


អត្ថបទពេញ

Read more »

នំផ្លែអាយ

គ្រឿងផ្សំ- ម្សៅដំណើប ១កញ្ចប់០.៥g ស្ករផែន ២ដុំ ដូ្ងងខ្ចី១ផ្លែ

របៀបធ្វើ- កាច់កម្សៅឲ្យស្អិតចូលគ្នា ស្ករផែនកាត់ជាដុំតូចៗ រួចដាំទឹកក្តៅឲ្យពុស ហើយយកម្សៅនិង
ស្ករផែនខ្ចប់ឲ្យជិតកុំឲ្យចេញតឹកស្ករ ធ្វើរួចហើយកដាក់កន្ទូងស្លឹកចេក សឹមកោសដូងដាក់ ជាការស្រេច។

Read more »